قهوه المنتدى

بصراحه الموضوع عجبنى جدا فاقولت لازم انقله ليكم
صباحكم فل وورد وياسمين وكل النسائم الحلوة .... وله ياسفرروت ــ رش قصاد القهوة ...

لامؤخذة يا بهوات ،، هنا هاتكون استراحة اللاعضاء، -و رواد المنتدى - يا مرحب بالجميع - هنا هاتلاقي تربيزة تختارها في المكان اللي انت عايزه ، هاتلاقي الواد سفروت ، اطلب منه مشروبك المفضل ، زي ماتحب ،، واكتب اي كلام عايز تقوله ومش لاقي حد تقوله له ، مش عايزين نتعبك ونوجع دماغك - دي استراحة - اكتب سطر واحد اثنين بالكتير ،، سيب رسالة حب لاحد الاعضاء ، او لاحد احبائك ، او لنفسك - اشمعنى انت لا - قول كل اللي نفسك تقوله في اي موضوع تحبه ،،، قول انطباعك النهاردة ايه ،،،، فرحان ،، ليه ،،، مخنوق شوية ،، ليه ،،، شفت موقف في المواصلات ضايقك ،، شفت خبر في الاخبار خنقك ،، قول سلام عليكم كل يوم وامشي ،، قول صباحكم ورد يا جماعة انا رايح الجامعه وراجعلكم ، قول العضو الفلاني واحشني ما حدش يعرف اخباره ايه ، وسيب له رسالة شوق وحب ،،،
صباحكم ورد يا اخواننا ،، هنا يا جماعة .... قهوة المنتدى ....
لا مؤاخذة كلمة اخيرة ،، انت هنا براحتك بس فيه هنا قائمة بالممنوعات في القهوة
وله يا سفروت،، علّق القائمة

ممنوع شرب الشيشة - التفاح وكل انواعها
ممنوع التدخين - احتراما لباقي الاعضاء
ممنوع تنزيل ألعاب تضيع الوقت وتجيب مشاكل بيننا ،،
دائما في خدمتكم
قهوه المنتدى

انا غيرت بليه وجبت ابن عمه ياامير
مش عايزه خناق ولعب من وراى ماشى
انا هسيبكم عشر ايام كده مسافره يوم الاربعاء القاكم على خير ان شاء الله
خد بالك من القهوه ياسفروتى
هات بقى واحد شاى على الماشى كده

اه ياجماعه كنت عايزه احط صوره ليا وتوقيع بس مش عارفه
اللى يعرف ارجو الافاده

ممنوع شرب الشيشة - التفاح وكل انواعها
ممنوع التدخين - احتراما لباقي الاعضاء
ممنوع تنزيل ألعاب تضيع الوقت وتجيب مشاكل بيننا ،،
دائما في خدمتكم
قهوه المنتدى

ماشى يا طالبة
قهوتك بقى وانتى حرة
اهلا سفروت حبيب قلبى
تصدقى سفرك جة ف معادو علشان الواد سفروت اقصد ابدا مفيش حاجة

تروحى وترجعى بالسلامة

بالتسبة للتوقيع والصورة
لما ترجعى هقولك باذن الله


واد يا سفروت

واحد شاى سكر زيادة ياولة
بسرعة

احم احم
واد يا بلية
نزل واحد شيشة تفاح هنا للمعلم القرموطى

بسرعة يا ولة
ظبطها علشان اكلملك الريس بوش
يشوفلك قهوة كبيرة تشتغل فيها
او ممكن تعمل قهوة ف البيت الابيض

يلا بقى الشيشة يابا بسرعة

معلش احنا بنتكلم

اية دة اية دة
يا خبر
الحقى يا معلمة

القرموطى بنفسوا هنا ف القهوة

لا واية طالب شيشه

ههههههههههه

ابقى شوفى هتعملى اية معاة بقى

انا مستنى ومش هسكت

الموضوع شيق يا البة وفية تنصحى الشباب بعدم شرب السجائر والتدخين وعندك واحد شيشا وصلحة وشربت حجرين على الشيشا مع توتو والسبعة الويجة

احم احم
انا رجعت اهلا وسهلا اهلا وسهلا
ازيكم عاملين ايه يارب تكونوا بخير
شكرا ياامير عشان شايف شغلك كويس قصدى واخد بالك من القهوه يعنى
استاذ قرموطى ماينفعش يافندم فى قوانين وقواعد لازم نلتزم بيها
لمنور القهوه ياميدو بس معلش لازم الكل يلتزم بالقواعد ايه ياجماعه فى ايه
على العموم هات ياسفروتى واحد شاى بسرعه

حمد لله ع السلامه يا طالبه

وبعدين انا واخد بالى من القهوة
دا لازم

واد يا سفروتى

واحد كا كاو سكر زياده


اة فين ايامك يا بليه
كنت بتجيبلى شيشة

طيب وانا ماليش اى شغلانة عندكم يعنى ولا اية حتىة اكون المدير اة حاجة وخلاص يعنى وانتم تكونو موازعين الشاى والشيشا يعنى الموضوع جميل يا طالبة وانا بشكرك على ادائك الجيد دة ميدو

ازيك ياسفروت ايه الاخبار خدى بالك من شغلك كويس
ماشى ياامير جزاك الله خيرا القهوه تمام
وهبقى ابعت سلامك لبليه
ههههههههههههه
ميدو القهوه منوره بيك يافندم ويارب الخدمه هنا تعجبك
هات با واحد شاى بسرعه ياسفروت

انا عاوز اعرف مين سفروت دة

سفروت دا يبقى صبى القهوة

ولا انت عايز الشاى يجيلك ماشى على رجلية

هههههههههههههههه

واحد سفروت هنا يا شاى

اقصد واحد شاى هنا يا سفروت

ازيك ياسفروت عامل ايه
ماشى ياامير اتريق براحتك
لو مش عاجبك الاسم سميه انت
هات يابنى واحد قهوه بسرعه
ومن فضلكم عايزه حد يقولى احط صوره ازاى وتوقيع

لا يا عمنا
والله ما اقصد

انا بشرح للراجل
وبعدين دا صبى القهوة يعنى المعلمة بس
اللى تتكلم فى اسمة وسنو عنوانو والذى منو

اما بالنسبة للتوقيع

شوفى يا ستى

الاول هتدخلى على موقع رفع الصور

والموقع اهوة

http://www.imageshack.us/


هترفعى علية الصورة

تضغطى على كلمة برووس
وترفعى الصوؤة من على جهازك
وتضغطى كلمة لواد

بعد رفع الصورة
خدى الكلمة بتاع الصورة كوبى

جملة كبيرة كدة بلانجلش
هتلاقى جملتين ظهرو
اختارى الاولى وخديها كوبى

طبعا هتجيبى بيانات شخصية
بعد كدة
التوفيع

بعد كدة تعديل


هتلاقى فى التعديل
زر مكتوب علية صورة وجنبها نجمة صغيرة

اضغطى علية ضغطة هتلاقية كتب كلمة ايمدج بلانجلش
المهم
حطى بقى الجملة الكوبى بتاعت الصورة وبعد كدة اضغطى على زر صورة تانى

واضغطى تسجيل

وع البركة يا ستى

لو التوقيع مظهرش ف الاسهامات
اكتبى مساهمة جديدة وقبل ما تسجليها اختارى اظهار التوقيع


اى استفسار انا تحت امرك


اخوكم
امير الانتقام


اة نسيت

اطلبيلى شاى بقى ولا حاجة

ازيك ياسفروت ايه الاخبار
هاتلى واحد شاى بليمون عشان تعبانه جدا ومصدعه
جزاك الله خيرا ياامير على الشرح
بس انا كنت بدخل بايانت شخصيه ماكنتش بلاقى التوقيع ولا صوره شخصيه مش عارفه ايه اللى حصل بقى
ههههههههههههههههههههه
المهم شكرا
خد بالك من القهوه ياسفروت وبعدين ابقى خد بالك من ميدو وشوف طلباته كويس

اهلا ياسفروت هاتلى كوبيه ميه ساقعه من فضلك
واحد ايس كريم بالشيكولاته
وشوف امير عايز ايه والحساب عندى طبعا

هههههههههههههههههههه

حيث كدة بقى

هات يا سفروت اتناشر شندوشتات فول وطعمية وواحد ساقع وكوباية شاى وبنص طورشى

بس

لحد ما افكر هاكل اية النهاردة علشان جعان

ايه ده كله ياامير انت لما صدقت ولا ايه
ماشى مش مشكله بالهنا والشفا
بس برضوا كل واحد بيتعلم مش هعزم حد تانى
ههههههههههههههههههههههههه
ازيك ياسفروت هالتى النسكافيه بتاعى بسرعه عشان الحق اسمع
خد بالك من اللقهوه ورش قدمها

هههههههههههههههههههههههه

طيب دانا مرضيتش اتقل عليكى

دى حاجات خفيفة

اة طبعا احسنلك متعزميش تانى

ههههههه


واد يا سفروت

حاجة ساقعة شويبس

براندا

وتكون سخنة

بسرعة يا ولة

هههههههههههههههههههه
لا انا هبقى اختار ياامير مش هسيب حد يختار كده احنا هنافل القهوه قبل ما تفتح
ههههههههههههههه
وبعدين بما نك المدير المفروض تساهم فى القهوه باى حاجه يعنى تعقدعلى باب القهوه تقول شعر وتلم الناس حوالك اى حركات كده ههههههههههههههههههههههههههههههههه

هات ياسفروت واحد ايس كريم لامير عشان يعرف يتكلم
وهاتلى واحد نسكافيه جمب الشباك اللى بيطل على النيل ده
اه على فكره ياامير الابتسامات اللى موجوده عندى مش بتظهر ولا لون الخط حتى

مين

اقول شعر على باب القهوة والم الناس

ياريت كلامى دة الناس تفهمو كنت هقولوا ف كل غرزة او قهوة


ههههههههههههههه

شوفيلى الموضوع دة يمكن نعمل بية مستقبل

واد يا سفروت

اية رايك ف قهوة الشعراء

لو عجبتك الفكرة
قلى

وانا هوديك قهوة الشعراء

قهوة تعمل فيها اشاى وتقدموا على بيت شعر

والشاى يكون مرفوع بالضمة

هههههههههههه

واحد ساقع يا سفرووووووووووت

هههههههههههههههههههههههه
فكره جامده ياامير ياريت تنفذها
رتبها كده فى دماغك واعملها انت ممكن تكتب بيت شعر او كم بيت كده كل واحد يدخل بعدك يكمل على نفس النمط

يااااااااااااااااااااه
ازيك ياسفروتى معلش انا اسفه جدااااااااااااا وعارفه انى مقصره معاك كل سنه وانت طيب
رمضان كريم
هاتلى بقى واحد شا ى انا عارفه انك من زمان وانت قاعد فاضى يلا هشغلك ياعم

ههههههههههههههههههههههههههه

الواد نايم اديلو سنة

وقايم من النوم ميعرفش هو فين

حرام عليكى يا طالبة

خلاص بقى

واد ياسفروت

اتنين كيلو عنب بس بسرعة والنبى