علشان قلت احب

{ علشان قولت أحب }

كتير مننا بيحب

وبنقول كتير

علشان قولنا نحب نضحى

علشان قولنا نحب نعبر عن حبنا

علشان قولنا نحب نواجه الصعب ونتحدى المشاكل

وبرضك قولنا :

علشان قولت أحب

بعدت عن الى بحبه

ممكن تكون أنصدمت

ممكن أكون انجرحت

ممكن تبكى ممكن تحس بالشعور ده ممكن تتأثر

لما تحس بطعم الخيانه من الى بتحبه

وبنقول :

علشان قولت أحب

أستغل الكلمة دى وأضحك بيها على قلوب وأقول كلام فى الهوى وأنساه

وأجرح وأبعد وأخون

كل الى فات ده علشان قولنا نحب

فينا الى كان صادق ونفسه يحب بجد

فينا الى حسها من غير كلام

فينا الى عاش بالاحساس

فينا الى خدع وجرح وخان

الأسئلة هنا ......... >

علشان قولت تحب عملت ايه ؟؟

علشان قولت تحب كانت ايه النتايج ؟؟

علشان قولت تحب قولتها ياترى بضمير من قلبك ؟؟

علشان قولت تحب ؟؟ ياترى هديت ولا بنيت ... ياترى وفيت ولاخنت .. ياترى بعدت ولا قربت

علشان قولت تحب ؟؟ ضحيت وايه كانت التضحية وايه هى معنى التضحية ؟؟

الموضوع ممكن يكون صعب شوية

بس انا فكرت وحسيت فعلا اننا محتاجين أننا نتكلم

ياترى من يملك الشجاعه أنه يعبر ويتكلم

احم احم انا املك الشجاعه انى اتكلم فى الموضوع
اولا احب اشكر كاتب الموضوع
طيب ياترى ياهل ترى حد مره فكر هو ليه لما حب حصل اللى حصله ده اذا كان بقى خيانه فراق تضحيه كل الكلام ده
طيب هو الموضوع سهل اوى ممكن عشان نكون اختارنا نحب فى الوقت غير المناسب و المكان غير المناسب والاشخاص غير المناسبين
اه طبعا انا معاكم انه فعلا لو كان حب بجد ومش مجرد كلام بيكون مش بايدنا وحاجه خارجه عن اردتنا بس احنا نقدر نعمل لنفسنا ومشاعرنا فرامل
اولا عشان نرضى ربنا وده الاهم
ثانيا عشان مانتعبش ويحصل لينا كل الالم اللى ميدو قال عليها ديه
يعنى احنا اللى بنختار ده واحنا اللى بنختار سعادتنا او العكس
بس كده يارب اكون قدرت اوصلكم وجه نظرى
ولو فى اى تعليق على كلامى ياريت نسمعه ويكون فى نقاش
وشكرا مره تانيه ليك ياميدو

بجد الكلام اللي كتبته جميل جداااااااااااا
علي فكرة أي حد بيحب بجد أكيد هيلاقي
حد بيحبه بصدق
وكلمة الحب دي كلمة جميلة جدااااااااااا