منتديات احلى شباب
شايفينك يالى داخل ... احنا اصلنا حاطين كاميرات
وبنشوف اللى داخل واللى طالع ... يلا بقى سجل معانا علشان تبقى عضو
فى منتدى احلى شباب
بنرحب بيك نتمنى مشاركتك معانا وتبقى واحد مننا
مش هنسيبك لحد ما تسجل .... وراك وراك
وراك وراك حتى بص وراك
هتلاقينى وراك وراك

منتديات احلى شباب



 
الرئيسيةالبوابةمكتبة الصورالتسجيلبحـثالأعضاءدخول

  

 

                                                

 

 

 

مبروك لشعب مصر العظيم .. مبروك لشباب مصر .. الحريه التى صنعوها وصاروا مثالا وقدوه لشعوب العالم .. واخيرا انتصرت ثورتنا بعد سنين من المعاناه .. بقى أن نبنى مصر فهبوا جميعا لتعمير وبناء مصر .. من اجل رفعه وإعلاء شأن هذا الوطن

أفضل 10 أعضاء في هذا المنتدى
امير الانتقام
 
طالبة الجنه
 
طايش بس عايش
 
هدهد 2010
 
عابرسبيل
 
الدلوعة
 
طائر الحب
 
queen romantic
 
yoha
 
butterfly
 
المواضيع الأخيرة
» لعبة الثوره ..
السبت يناير 14, 2012 2:06 pm من طرف امير الانتقام

» الفرق بين النبى والرسول
السبت يناير 14, 2012 1:29 pm من طرف امير الانتقام

» وحـــــــــــــشــــــتــــــونـــــي جــــــــــــــــــــــدا
السبت يناير 14, 2012 1:24 pm من طرف امير الانتقام

» منتديات بكاء بلا دموع ترحب بكم
الأربعاء نوفمبر 09, 2011 5:00 am من طرف امير الانتقام

» كانت اخر ليله .. خاطرتى
الأربعاء سبتمبر 28, 2011 10:26 am من طرف امير الانتقام

» للتواصل مع أميــ الانتقام ـــر
الأحد سبتمبر 25, 2011 10:20 am من طرف امير الانتقام

» من فضلك ... خاطرتى
الأحد سبتمبر 25, 2011 9:30 am من طرف امير الانتقام

» فيلم وثائقى عن الجغرافيا تصميم كليه طنطا
الثلاثاء سبتمبر 13, 2011 1:42 pm من طرف امير الرومنسية

» انا عضو جديد
الجمعة أغسطس 19, 2011 9:30 pm من طرف ابو جمال

تصويت
من تختاره رئيس مصر القادم؟؟
عمر سليمان
0%
 0% [ 0 ]
عمرو موسى
20%
 20% [ 2 ]
محمد البرادعى
0%
 0% [ 0 ]
ايمن نور
40%
 40% [ 4 ]
كمال الجنزورى
10%
 10% [ 1 ]
سامى عنان
0%
 0% [ 0 ]
حمدين صباحى
0%
 0% [ 0 ]
احمد زويل
0%
 0% [ 0 ]
مرشح الاخوان
0%
 0% [ 0 ]
غير هؤلاء
30%
 30% [ 3 ]
مجموع عدد الأصوات : 10
بحـث
 
 

نتائج البحث
 
Rechercher بحث متقدم
محرك منتدى احلى شباب

شاطر | 
 

 6 طرق للانتحار توديك الجنه مش النار

اذهب الى الأسفل 
كاتب الموضوعرسالة
امير الانتقام
المدير العام
المدير العام
avatar

ذكر عدد المساهمات : 764
نقاط : 11990
تاريخ التسجيل : 27/04/2009
العمر : 29
الموقع : http://rplfi.ahlamontada.net
العمل/الترفيه : الرخامة على البنى ادمين
المزاج : دخل ف رجلى مسمار

مُساهمةموضوع: 6 طرق للانتحار توديك الجنه مش النار   السبت أكتوبر 31, 2009 9:13 am

طول عمرنا عارفين إن الانتحار حرام وعيب ومايصحش، والغريبة إنه ضار جداً بالصحة، ده غير إنه كمان بيودي النار، لكن المفاجأة الذكية اللي اكتشفناها مؤخراً إن فيه انتحارات جديدة لانج نزلت السوق مؤخراً مابتوديش النار؛ لأن اللي ميت منتحر الحكومة بتسميه شهيد بالصلاة ع النبي .. هنا 6 أنواع للانتحار بيدخلوا الجنة..



الطريقة الأولى:

لو عايز تنتحر وماتبقاش منتحر في نفس الوقت عليك وعلى حي الدويقة ومنشية ناصر اللي الخنازير ماشية بتلعب فيها، والناس بتهشهم ولا كأنهم قطط !! ده غير الروائح الكريهة الصعبة لدرجة إن فيه سكان هناك بيحلفوا إنهم عمرهم ما فتحوا بلكوناتهم من ييجي أكتر من 30 سنة.. كل ما عليك لو سيادتك مش لاقي شقة تسكن فيها وعايز تنتحر لهذا السبب، إنك تجيب كام صفيحة حديد على كام خشبة مسوّسة، وتبني بيهم عشة في حضن جبل المقطم، مع مراعاة أن يكون تسريب الصرف الصحي الخاص بك على أعلى الجبل، وكلها شويتين والجبل مش هيستحمل الصرف الصحي بتاعك أنت واللي معاك وهينزل على نافوخكم واحد واحد وكلكم تتكلوا على الله في ثواني، وحتى اللي هينجى منكم وهيفضل حي تحت الأنقاض محدش هيعرف ينقذه أو يوصل له وبرضه هيموت هيموت، والذنب طبعاً هيكون على الحكومة اللي ما وفرتلناش سكن غير في المناطق العشوائية اللي في حضن الجبل اللي صخوره وحجارته مابترحمش وبتنزل على الغلابة تدفنهم بالحيا.


الطريقة التانية :
ركوب الأوتوبيسات اللي بتطلع على الكباري وهي متكدسة بالبشر زي الأوتوبيس اللي وقع بالركاب بتوعه من كام سنة من على كوبري في الجيزة وكل اللي فيه ماتوا، والناس الغلابة اللي كانوا ماشيين في حالهم لا بيهم ولا عليهم تحت الكوبري برضه ماتوا، وعندك كمان كوبري السيدة عائشة اللي كل سنة يقع من عليه أوتوبيس أو ملاكي أو تاكسي أو عربية جيش، وآخر مرة الأرض هبطت تحت الكوبري، وطبعاً الحكومة هتعتبرك شهيد وتصرف لأهلك مكافآت كمان.


الطريقة التالتة:
بعد صلاة الفجر تصلي ركعتين لله تودع بيهم دنيتك وتسلم على كل أهلك ومعارفك وتسدد الديون اللي عليك وتسيب وصيتك وتجهز نفسك للعملية الانتحارية.. لأ يا راجل.. يا راجل مش في فلسطين.. إحنا بنتكلم عن عملية انتحارية هنا في مصر بتحصل كل فجرية في طوابير العيش على الأفران البلدي ولو أخلصت النية لله هتموت يعني هتموت مالهاش حل تاني..


الطريقة الرابعة :
حج البيت لمن استطاع إليه سبيلاً.. تجهز كل تحويشة عمرك وفي الغالب مش هتكفي إنك تطلع للسعودية طيران، يبقى مفيش غير العبارة، ناقص بس تلبس ملابس الإحرام وأنت في العبارة عشان تكون متكفن جاهز وشوية وهتغرق بيك المركب ولو ما موتش غرقان يبقى القرش هياكلك وهتبقى ميت شهيد وتبقى آبا الحاج الشهيد، وسلم لي على "ممدوح إسماعيل"!


الطريقة الخامسة:
أكيد طبعاً شفت إعلانات الحكومة اللي بتقول لك لازم تلحق القطر قبل ما القطر يفوتك.. لو أنت ليك مزاج تموت بقى وخايف تتحسب عليك الموتة انتحار وتدخل جهنم يبقى عليك وعلى الحكومة.. أيوه زي ما بقول لك كده يالا بسرعة إجري إلحق القطر، وساعتها تبقى موتة ومكتوبة لك حاجة ببلاش كده.. يا إما القطر هيولع بيك والسواق هيفصل العربيات المحروقة عشان تواجه مصيرك مع نفسك زي ما حصل في قطر الصعيد من 6 سنين، يا إما هتتزنق وتروح الحمام وممكن وأنت قاعد منسجم وواخد راحتك ع الآخر تلاقي دورة المياه وقعت بيك تحت القطر يا إما القطر يخرج عن القضبان ويتشقلب بيك في الهوا، يا إما عربية تريلا فراملها تسيب وتلبس في القطر زي قطر مطروح، وفي كل الأحوال سيادتك ميت ميت.


الطريقة السادسة:
محدش فينا ماسمعش عن طريق المحور اللي المفروض إنه بيختصر الطريق.. وماحدش فينا برضه ماسمعش عن الحوادث والكوارث اللي بتحصل عليه كل يوم.. كل ما عليك بقى لو أنت وعايز تنتحر بشياكة إنك تتلكك وتروح أي مشوار بيعدي من على المحور، ولو حتى تروح تجيب من هناك ترمس، وساعتها هتلبس هتلبس مفيهاش كلام وتبقى برضه ميت شهيد على حسب تصريحات السيد وزير النقل والمواصلات والسيد وزير الصحة والسكان وقبل منهم السيد رئيس الوزراء وصورتك تيجي في الجرايد ببلاش من غير ما تكلف عيلتك حق النعي في صفحة الوفيات.. وصباح الخير يا مصر..

_________________
لا تتعجل رحيلى .. سأرحل
ولكن ...
بعد ان انتهى من صنع قبرى

نحن لا نكتب بالمداد او الحبر
ولكن بدم القلب.. . فعذرا ..
ان ظهرت اثار الجراح فى سطورنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rplfi.ahlamontada.net
عابرسبيل
مراقب عام
مراقب عام
avatar

ذكر عدد المساهمات : 149
نقاط : 10556
تاريخ التسجيل : 23/08/2009
العمر : 27
العمل/الترفيه : الدنيا ساعه فاجعلها طاعه والنفس طماعه فعودها القناعه
المزاج : رومانتيك

مُساهمةموضوع: رد: 6 طرق للانتحار توديك الجنه مش النار   الإثنين نوفمبر 23, 2009 12:05 am

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

بجد يا امير انتا نكته للامام دائما وفقك الله بس خلي بالك لحسن الحكومه اليومين دول مش مخليه علشان ميبقاش عندها بطاله بتدور تلم في الكل علشان تقول احنا شغاااااالين

وطبعا انتا مظبط الحكومه تريقه يعني انتا اللي لابس لابس مفيش مفر يا راجل اسيبك مع الحكومه مع تحيات مواطن مصري مخنوق من بلدو ونفسو يموت شهيد الحكومه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
امير الانتقام
المدير العام
المدير العام
avatar

ذكر عدد المساهمات : 764
نقاط : 11990
تاريخ التسجيل : 27/04/2009
العمر : 29
الموقع : http://rplfi.ahlamontada.net
العمل/الترفيه : الرخامة على البنى ادمين
المزاج : دخل ف رجلى مسمار

مُساهمةموضوع: رد: 6 طرق للانتحار توديك الجنه مش النار   الأحد نوفمبر 29, 2009 1:43 pm

شكرا عابر ع العبور الجاحد دة نورت الموضوع وللامام دائما

وفى انتظار اسهاماتك

اخوك
امير الانتقام

_________________
لا تتعجل رحيلى .. سأرحل
ولكن ...
بعد ان انتهى من صنع قبرى

نحن لا نكتب بالمداد او الحبر
ولكن بدم القلب.. . فعذرا ..
ان ظهرت اثار الجراح فى سطورنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rplfi.ahlamontada.net
طالبة الجنه
قائد مملكة الحريم
قائد مملكة الحريم
avatar

انثى عدد المساهمات : 658
نقاط : 11539
تاريخ التسجيل : 30/05/2009
العمر : 29

مُساهمةموضوع: رد: 6 طرق للانتحار توديك الجنه مش النار   الأربعاء ديسمبر 16, 2009 4:23 am

ههههههههههههههههههههههههههههه
والله اذا كان عليهم لو فى حاجه اسرع من كده عشان يقللوا نسمه السكان يبقى احسن ههههههههههههههه
مش عارفه ليه بالذات المصرى ثمنه قليل اوى بس ياترى العيب فينا ولا فمين
لكى الله يامصر
شكرا ياامير
وفى انتظار المزيد

_________________

انى امتلك حلما
احيانا نكتشف ماسوف نفله
عندما يتضح لنا مالانستطيع فعله


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
امير الانتقام
المدير العام
المدير العام
avatar

ذكر عدد المساهمات : 764
نقاط : 11990
تاريخ التسجيل : 27/04/2009
العمر : 29
الموقع : http://rplfi.ahlamontada.net
العمل/الترفيه : الرخامة على البنى ادمين
المزاج : دخل ف رجلى مسمار

مُساهمةموضوع: رد: 6 طرق للانتحار توديك الجنه مش النار   الأحد ديسمبر 20, 2009 2:00 am

ههههههههههههه

المصرى تمنه قليل علشان هو اختار اللى يقلل تمنوا

احنا مش قليلين بس ناس تانيه قللت مننا

خلينا هنا احسن وبلاش نخبط ف ناس مظلومه وحكومه تعبانه علشان خاطر شعب مايستهلش

كفايه بقى الكدبه الكبيره اللى احنا عايشين فيها

الناس دى بتتعب علشان احنا نرتاح

بتموت علشان احنا نعيش

احم احم .. انا اصلى بقيت تبع الوطنى



اخوكم

احم احم

؟؟؟؟

_________________
لا تتعجل رحيلى .. سأرحل
ولكن ...
بعد ان انتهى من صنع قبرى

نحن لا نكتب بالمداد او الحبر
ولكن بدم القلب.. . فعذرا ..
ان ظهرت اثار الجراح فى سطورنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rplfi.ahlamontada.net
طالبة الجنه
قائد مملكة الحريم
قائد مملكة الحريم
avatar

انثى عدد المساهمات : 658
نقاط : 11539
تاريخ التسجيل : 30/05/2009
العمر : 29

مُساهمةموضوع: رد: 6 طرق للانتحار توديك الجنه مش النار   الأحد ديسمبر 20, 2009 12:03 pm

هههههههههههههههههههههه
هى الفتره اللى فاتت ديه كنت فين ياامير ؟؟؟؟؟؟؟؟؟؟؟

_________________

انى امتلك حلما
احيانا نكتشف ماسوف نفله
عندما يتضح لنا مالانستطيع فعله


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
امير الانتقام
المدير العام
المدير العام
avatar

ذكر عدد المساهمات : 764
نقاط : 11990
تاريخ التسجيل : 27/04/2009
العمر : 29
الموقع : http://rplfi.ahlamontada.net
العمل/الترفيه : الرخامة على البنى ادمين
المزاج : دخل ف رجلى مسمار

مُساهمةموضوع: رد: 6 طرق للانتحار توديك الجنه مش النار   الثلاثاء ديسمبر 22, 2009 3:56 am

اديلى فتره مشغول جداااااااا

تصورى كليتى ف طنطا وانا شغلى ف القاهره

طبعا لازم بروح الكليه يومين او تلاته ف الاسبوع وف نفس الوقت ببقى بالليل ف الشغل

يعنى مش بفضى للدخول ع النت غير تلات ايام ولما بتبقى ورايا مذاكره مش بدخل

بس انا كدة كدة مهما بتطول فترة غيابى لازم برجع لانى مرتبط بالمنتديات جدا وحتى لو مشاركتش بقراء وبتابع

ارجو الاهتمام اثناء غيابى اعتقد حضرتك من مؤسسين المنتدىومش هوصيكى وانا عارف ان لسه المنتدى مش واخد وضعه بس

بعد الامتحانات فيه تغييرات هتحصل والمنتدى هينزل ع الجوجال

وفيه اعضاء جدد هيشتركوا

شكرا ع المجهود والمتابعه اخوكم
امير الانتقام

_________________
لا تتعجل رحيلى .. سأرحل
ولكن ...
بعد ان انتهى من صنع قبرى

نحن لا نكتب بالمداد او الحبر
ولكن بدم القلب.. . فعذرا ..
ان ظهرت اثار الجراح فى سطورنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rplfi.ahlamontada.net
 
6 طرق للانتحار توديك الجنه مش النار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احلى شباب :: الفئة الأولى :: اضحك وزقطط-
انتقل الى: