مصيف بلا معاصى

[size=18][size=29][b][u]نصائح صيفية

مقدمة
أعزاءنا المصيفين فى كل مكان
على شاطئ أو فى بستان
فوق الرمل ووسط المية بين الموج أوتحت الشمسية مصيفين كبار أو صغار بيصيفوا بالليل وبالنهار
كل سنة وأنتم طيبين
أجازة سعيدة ومصيف ممتع باذن الله عز وجل
ولأن المصيف فرصة سعيدة لعمل كل حاجة مفيدة فرصة للمتعة وللحرية لكن من غير معصية فرصة لللمة والجماعة لكن على الخير والطاعة فرصة للاستمتاع بنعمة ربنا (وان تعدوا نعمة الله لاتحصوها)
ولأن فى المصيف كل حاجة مباحة لازم نتكلم بصراحة علشان تكون أوقاتنا فى المصيف كلها بهجة وسعادة ولعب وفرح ومتعة ومرح
فى حاجات لازم مننسهاش وعنها مانستغناش
تعالوا نتكلم بحرية عن هذه النصائح الصيفية .
1- النية :
تعالوا نحسبها : لو فرضنا مثلآ هتصيف بالنهار من الساعة 9 صباحآ وحتى الساعة 7 مساء يعنى تقريبآ هتقضى على الشاطئ 10 ساعات وده يساوى 600 دقيقة يعنى 36000 ثانية ايه رأيك لو قلتلك انك ممكن تاخد فى كل ثانية حسنة ده معناه انك فى يوم واحد فى المصيف هيكون عندك 36000 حسنة لكن لحظة من فضلك دى الحسنة عند ربنا ليها حساب تانى أى حسنة بتساوى 700 ضعف يبقى نصيبك من الحسنات فى اليوم الواحد يساوى 36000 * 700 = احسبها وانت تشوف طبعآ مش مصدق .
إيه المشكلة : المشكلة هى ازاى هتاخد حسنات وانت على الشاطئ وهتاخد حسنات ازاى وانت رايح تلعب وتضحك وتجرى وتعوم
حل المشكلة كلمة واحدة كلمة سحرية ممكن تحول كل ثانية على الشاطئ لطاعة وعبادة
هى (النية) نعم اعمل أى حاجة مباحة لكن افتكر دايمآ (انما الأعمال بالنيات ولكل امرئ مانوى)
جدد نيتك : 1- الترويح عن النفس
يقول الرسول (روحوا عن القلوب ساعة بعد ساعة فان القلوب اذا كلت ملت)
2- تعلم رياضة مفيدة
يقول عمر بن الخطاب رضى الله عنه (علموا أولادكم السباحة والرماية وركوب الخيل)
3- تجديد نشاط وقوة البدن
يقول الرسول (المؤمن القوى خير وأحب الى الله من المؤمن الضعيف)
كلمتين وبس : بعد ما تجدد نيتك صيف بكل حرية وماتخافش حسناتك كل ثانية بتزيد وتزيد.
2- الصلاة :
حوار صريح جدآ :
*- ممكن أعطلك 5 دقائق ؟
دلوقتى مش ممكن ده أحسن وقت لنزول البحر وبعد ماأطلع هلعب كورة مع أصحابى وبعدين ألعب راكيت وبعدين …..
لحظة واحدة ماتكملش أنا مش عاوز من وقتك غير 5 دقائق اعمل بعدها ال انت عايزه عندك النهار طويل مش هتخسر حاجة
اتفضل اتكلم عاوز ايه ؟
عاوزك تصلى عاوزك تدفع ضريبة وقتك ال بتستمتع بيه فى المصيف يعنى زى مابتدفع رسوم الشاطئ وتدى كل واحد حقه الصلاة هى حق الله بس 5 دقائق
مشغووووول
مهما كانت مشغولياتك سيب كل حاجة فى ايدك وخليك فاكر (لابركة فى عمل يلهى صاحبه عن الصلاة)
هصلى بعدين
مافيش بعدين بمجرد ماتسمع الأذان لازم تلبى النداء يقول تعالى (ان الصلاة كانت على المؤمنين كتابآ موقوتآ)
مش متوضى
وايه المانع اتوضأ مفيش ميه البحر أمامك اتوضأ زى ماانت عاوز يقول الرسول (الطهور ماؤه)
مفيش جامع
مفيش مشكلة صلى على الشاطئ استر عورتك واعطى ظهرك للبحر انت الأن فى اتجاه القبلة يقول الرسول (جعلت لى الأرض مسجدآ وطهورآ)
مكسوووووف
مكسوف ليه انظر حولك فى ناس بتلعب وناس بتجرى وناس نايمة وناس بتاكل محدش منهم مكسوف لو قمت تصلى أمامهم صدقنى هما ال هيكسفوا من أنفسهم وممكن يقتدوا بك فتاخد حسنات بسببهم .
كلمة حكمة : (أقم صلاتك تنعم بحي[]

- غض البصر :
أنت الخسران : لو أطلقت بصرك لو نظرت الى ما حرم الله لو مارعتش حدود ربك لو ولو …..
صحيح ممكن تستمتع لحظة لكن هتخسر أكيد كثير وهتندم أكثر لانك هتلاقى صدرك بيضيق وتحس انك مهموم وتفقد توفيق ربنا ليك هتنسى معنى الفرحة عارف كل ده ليه ؟
لان قلبك مات والسبب سهم مسموم أطلقه نحوك الشيطان مكتوب عليه (النظرة الحرام)
يقول الرسول (النظرة سهم مسموم من سهام ابليس من تركها مخافتى أبدلته ايمانآ يجد حلاوته فى قلبه)
ماتنساااااش : بصرك نعمة من الله وسوف يسألك عنه يوم القيامة
يقول تعالى : (ان السمع والبصر والفؤاد كل أولئك كان عنه مسئولا)
(قل للمؤمنين يغضوا من أبصارهم ويحفظوا فروجهم ذلك أزكى لهم)

كلمة حق
ماشى تبحلق تحت وفوق
اصحى لنفسك يابنى وفوق
عينك لسه بتشوف بيها
قادر ربك ويطفيها
وم الكاس اللى سقيتها تدوق
ترضى حد يبص لاختك
ما تقولش ماعنديش فى الحال
طب لخطيبتك بكره وزوجتك
دين وياريت بيسده المال
4- الحجاب :
تحذييييير : للمصيفات فقط :
لعلك تسمعين عن ذئاب البشر انهم أناس انعدمت ضمائرهم وماتت قلوبهم واندثرت أخلاقهم يتجولون يتربصون ينظرون يبحثون عن فريسة تشبع غرائزهم وتطفئ نيران شهواتهم وهم يجدون مايريدوه فى المصايف فهى التى تناديهم وتغويهم بجسدها العارى وشعرها الفتان وضحكتها وتكون النتيجة
مصيييييبة : وبعد وقوع الكارثة وحين لاينفع الندم تدرك الفتاة انها كانت السبب وأنها لم تفكر يومآ أن الاحتشام ستر ووقاية وحماية
وصدق الله حين يقول : (ياأيها النبى قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين)

كلمة حق
انتى ياماشية ولا على بالك
أحسن ليكى تصونى جمالك
نعمة وربك أنعم بيها
أمرك فى كتابه تخبيها
ربك عالم حالنا وحالك
شفتى زى جمال الؤلؤ
صاين نفسه جوه محارة
وانتى الناس لجمالك تسرق
وانتى وافقتى انه خسارة
5- مراقبة الله :
حكاية من زمان : زمان كان فى واحد عاوز يعيش حياته بكل حرية يمكن زى كتير مننا عاوز يعمل كل حاجة فى نفسه مافيش حاجة اسمها حلال ولا حرام مافيش قيود ولا حدود ولا عقاب ولا وعيد
بعدين عرف أحد العلماء بحكايته فقرر يكلمه قاله مافيش مشكلة اعمل ال انت عاوزه بس بشرط فسأله ايه الشرط قاله تعمل كل ال انت عاوزه بس فى مكان ميشوفكش فيه ربنا لانه لو شافك وعرف ال بتعمله أكيد مش هيرزقك مش هيطعمك مش هيحميك مش هيوفقك فى أى عمل يلا روح دور على المكان ده واعمل ال انت عايزه .
دلوقتى : أكيد انت عاوز تعمل كل حاجة خصوصآ فى المصيف مش عاوز حدود عاوز حريتك مافيش مشكلة بس بنفس الشرط دور ودور ودور لكن أحسنلك ماتتعبش نفسك عارف ليه لأن الله تعالى قال : (وهو معكم أينما كنتم)
(مايكون من نجوى ثلاثة الا هو رابعهم ولا خمسة الا هو سادسهم ولا أدنى من ذلك ولا أكثر الا هو معهم أينما كانوا)
آخر الكلام : (صيف بحرية لكن متنساش ان ربنا دايمآ معاك)
6- التفكر فى خلق الله :
أنوار قرأنية :
يقول تعالى (ان فى خلق السماوات والأرض واختلاف الليل والنهار لآيات لأولى الألباب الذين يذكرون الله قيامآ وقعودآ وعلى جنوبهم ويتفكرون فى خلق السماوات والأرض)
أنظر حولك :
ماذا ترى ؟ لاشئ كل شئ طبيعى من سماء وبحر وشمس وناس ….. لايوجد شئ غير عادى انظر حولك مرة أخرى ستجد كل شئ يسبح بحمده ويشهد بعظمته وقدرته وقوته ستجد آياته فى كل شئ ستجد دلائل ألوهيته ستجد كل ماحولك يدع معك لتقول (سبحان الخلاق العظيم)

إرشادات فقهية
دعاء نزول البحر
بسم الله الملك وما قدروا الله حق قدره والأرض جميعآ قبضته يوم القيامة والسماوات مطويات بيمينه سبحانه وتعالى عما يشركون بسم الله مجراها ومرساها ان ربى لغفور رحيم .
للمسافرين فقط
يجوز للمسافر أن يصلى جمع وقصر والقصر هو أن يقصر الصلاة الرباعية الى ركعتين .
الجمع بين الصلاة
وهو أن يجمع بين صلاتى الظهر والعصر اما جمع تقديم أى وقت الظهر أو وقت العصر ويسمى جمع تأخير وكذلك الجمع بين المغرب والعشاء .
قبل نزول البحر
احرص على ستر العورة

بالنسبة للرجال : العورة من السرة للركبة .
وبالنسبة للنساء : العورة جميع الجسد عدا الوجه والكفين( لغير المنقبة) وللمراة نزول البحر بجميع ملابسها بشرط عدم مخالطة الرجال فى مكان مخصوص للنساء أو فى وقت مبكر قبل ازدحام الشاطى[/size][/u][/b][/size]ئ .
[/size][/color][/u][/b] مصيف بلا معاصى Post2062811886844551

منقوووووووووووووووووووووووووووول

احلى كلمة منى لكى لانك انتى بتقول الصراحة انك نقلاة والموضوع جامد والله وانا بشكرك على جهدك دة والى الامام دائما ميد___________________عاشق____________الرومانسية

ههههههههههه
ماشى شكرا على مرورك ياميدو انا فعلا نقاله بس الفكره كانت فى دماغى من الامتحانات
نورت الصفحه

مش هقولك الموضوع حلو لان كل مواضيعك حلوة

بس دة موضوع مميز وجة ف وقتة
وزى ما بتقولى
سلم اختيارك
والى الامام دائما
اخوكم
امير الانتقام

جااااااااااااااااااااااامد جدا يا طالبه الجنه
وربنا يرجع بلسلامه

موضوع جميل والله

شكرا طالبه الجنه على عرضك للموضوع

فعلا محتاجين نوزع وقتنا ونستفيد بيه
حتى ولو فى المصيف

شكرا ياامير ربنا يكرمك
بعض ماعندكم يافندم
بيتر فلاى حبيه قلبى وحشتنى والله نورتى الموضوع
شكرا قرموطى على مرورك العطر